Redaksjonens anmerkninger: På Sivilisasjonens Poetiske aften, som ble avholdt på Fredriksborg på Bygdøy i desember 2023, ble de tre øverste plasseringene i Sivilisasjonens diktkonkurranse 2023 kåret. Det er en glede å kunne meddele at «To sonetter» av Finn Øglænd ble tildelt en delt tredjeplass.
Diktene er blitt gjennomlest anonymt av juryen bestående av Håvard Rem, Bertrand Besigye og Thomas Løland. Vi understreker at den endelige rangeringen er basert på et poengsystem, og ikke nødvendigvis er et resultat av en enighet i juryen. Foreslått tema for diktkonkurransen i 2023 var «strid».
De tre øverste plasseringene vil bli publisert her på Sivilisasjonen.no og dikterne vil få tilsendt den eksklusive første- og andreutgaven av Sivilisasjonen. Diktene blir dessuten publisert i Sivilisasjonens neste trykte magasin. Selve vinneren blir intervjuet i et portrettintervju i Sivilisasjonen, og mottar litografiet «Caritas» av Jan-Ove Tuv.
Liker du det Sivilisasjonen publiserer? Bli medlem i dag, og bidra til at Sivilisasjonen kan fortsette!
To sonetter
(Sonette til ein likeglad)
Frå ingenting, frå null, frå ingenting
tek denne songen til. Ein tone frå ein stein.
Ein stein som kveldens rørsler vaska rein.
Ein song frå ingen, stemt i moll, om ingenting.
Den minner oss, den skarpe skuggen i april
om mylderet vi elles gløymer bort:
Kadaveret med kvite bein, ein hundelort.
I underjorda møtest ting og tetnar til.
Og kanskje stod du ved ein framand kyst
og såg at havet slipte steinen rund
og knaste beingrinda til dyret sund.
Alt skjedde utan kjensleliv og lyst.
Å vere likeglad kan vere best for det som gror.
Og kven treng heller nokon konklusjon?
Du kan sjå sandkorn renne vekk som fine spon
og aldri vite når dei kom og når dei fór.
(Sonette til ei ung kvinne)
Sei meg, du stemme som eg høyrer klage,
kva lokkerop kan røre ved ditt sinn
så det kan svinge fort og lett som dansetrinn.
Kva heiter ordet eg må finne – eller lage?
Liknar det Gloria, englekor og harmoniar
eller bøner sende frå dei dødes kontinent?
Vil du ha månestråler, skal eg få sollys sendt
til å skine opp det vakre håret ditt i symfoniar?
Skal eg vere gladlyndt eller blø i sinnet?
Skal eg vere simpel tiggar eller skald?
Skal eg bere kors og vekse opp i stall?
Skal eg vere gud, og du gudinne?
Sei meg, kvinne, veit du kva du vil?
Du vil bli lokka, men av yngre menn.
Og gjere alle feila om igjen.
Eg, derimot, skal gjere ingenting med stil.
